Job 18

Bildad

1 Tua ciangin Shuh mi Bildad in dawng a: ^a

2 “Na paupau khawl hun nei lo ding na hiam? ^b
Khawl hun thei lecin ko kong pau thei pan ding uh hi.
3 Bang hangin bawnghon bangin hong ngaihsun a, ^c
mihai banga hong seh na hi hiam? ^d
4 Na hehna hangin nang le nang a kibalnen na suak hi;
nang tangin leitung kinusia ding ahi hiam?
Ahikeh suangtumte a omna pan kilikkhia ding ahi hiam?
5 “A gilopa’ meivak kisukmitsak hi; ^e
ama mei kuanglai mit hi. ^f
6 A puanbuk khuavak mial a; ^g
a kianga meivak a mit hi. ^h
7 A kalsuan ziauziauna kithakiasak a, ⁱ
ama tupnate in amah sawnpuk hi. ^j
8 A khe in len sungah sawnpai a,
a kekna vang zongin a vak kawikawi hi.
9 Thang in a khetul ah mana,
thangkhau in gakcip hi. ^k
10 Amah siahna khaukual leitungah kisin khinkhian a, ^l
a lampi ah thang kisiah hi. ^m
11 A kim a pam ah lauhuaina in amah panga, ⁿ
a kalsuanna citengah a sulzuih hi.
12 Tuahsiatna in amah ngaklah a;
a puk cianga a siat nading lauhuaina in amah ngak gige hi. ^o
13 Tua in a vun khenkhat ne mang a,
sihna tacil in a khut a khete a nawmvalh hi. ^p
14 A puanbuk muanhuaina pan amah kibalzan a, ^q
lauhuaina’ kumpipa lam zuanin kipaikhiatpih hi. ^r
15 Mei in a puanbuk tenden ^{▼▼18.15 Ahikeh amah in bangmah nei nawn lo ding a} a; ^t
a tenna tung tengah kaatkuang kitheh hi. ^u
16 A nuai-ah a thaguite keucip a,
a tunga hiangte a keugaw hi. ^v
17 Amah kiphawkna leitung panin mangthang a; ^w
leitungah min a nei kei hi.
18 Khuavak panin khuamial ah amah kihawlkhia a, ^x
leitung panin kidelhkhia hi. ^y
19 Ama mite lakah suan le khak ahikeh gui nei lo a, ^z
a tenna ah a khuasuak kuamah a om nawn kei hi. ^aa
20 Nitumna-lam mite ama hangin lauthawng uh a, ^ab
nisuahna-lam mite linglawng uh hi.
21 Migilote tenna tua bang hitakpi a; ^ac
Pasian a theilote mun tua bang ahi hi,” a ci hi.